VERA FILES FACT CHECK: 'Bikoy' bumaligtad; idinawit LP, Trillanes sa 'Ang Totoong Narco List'

Basahin sa Ingles

Bumaligtad si Peter Joemel Advincula na nagpakilalang si "Bikoy," ang nakatalukbong tao sa mga video ng "Ang Totoong Narco List", at sinangkot isinangkot ang Liberal Party (LP) at si Sen. Antonio Trillanes sa serye ng video na nagdawit sa mga miyembro ng pamilya ng presidente at mga kaalyado nito sa iligal na droga.

Mula sa pagtitiyak na siya ay "hindi konektado" sa anumang partidong pampulitika o kaugnayan sa pulitika, binago ni Advincula ang kanyang kwento matapos mapunta sa pag-iingat ng pulisya 17 araw mula ng kanyang press briefing sa Integrated Bar of the Philippines.

PAHAYAG

Sa isang press briefing sa Philippine National Police, Mayo 23, isang araw matapos siyang sumuko umano sa mga awtoridad, nagsalita si Advincula tungkol sa mga pahayag na ginawa sa serye ng video:

“Hindi totoo ‘yun. Walang katotohanan lahat-lahat ‘yun. At ‘yoon pawang orchestrated (gawa-gawa) lamang ng mga nasa kabilang party (partido), which is the Liberal Party under the handling of (sa ilalim ng pangangasiwa ni) Senator Antonio “Sonny” Trillanes IV.”

Pinagmulan: PNP official Facebook page, NOW: Media briefing on the surrender of Peter Joemel Advincula, the confessed “Bikoy” character behind the “Ang Totoong Narcolist” video series, Mayo 23, 2019, panoorin mula 7:28 hanggang 7:47.

PAG BALIGTAD

Ito ay eksaktong kabaligtaran ng sinabi ni Advincula noong Mayo 6 sa press briefing sa IBP, ang unang pagkakataon na nagpakilala siya bilang Bikoy sa serye ng video:

Gusto kong linawin na wala akong kaugnayan sa kahit kaninong kandidato. Lalo na sa mga kandidato ng Otso Diretso, o anumang political party o political affiliation (partidong pampulitika o kaugnayan sa pulitika.)"

Pinagmulan: ABS-CBN, Man behind viral anti-Duterte video surfaces, Mayo 6, 2019, panoorin mula 1:05 hanggang 1:20

Ngunit sa isang pahayag noong Mayo 23, ipinagpilitan niya na hindi niya kilala si Rodel Jayme, na kinasuhan ng inciting to sedition dahil sa umano'y pag-upload at pagbabahagi ng kontrobersyal na mga video. Sinabi din ni Advincula na hindi siya konektado at "hindi kailanman nakipagkita" sa mga personalidad ng media na nasa matrix ng Malacañang na isang umanong plano na guluhin ang pamahalaan.

Parehong-pareho ito sa kanyang pahayag kung saan sinabi niya na siya ay "walang koneksyon" sa mga personalidad at institusyon ng media na pinangalanan sa matrix na inilabas ng Malacañang. Ang matrix, gamit ang "Ang Totoong Narcolist" na mga video, ay pinagsama-sama ang ilang mga mamamahayag, abogado, at mga oposisyon sa isa umanong plano na pabagsakin ang pamahalaan.


Mga Pinagmulan

Philippine National Police official Facebook page, NOW: Media briefing on the surrender of Peter Joemel Advincula, the confessed “Bikoy” character behind the “Ang Totoong Narcolist” video series, May 23, 2019

ABS-CBN, Man behind viral anti-Duterte video surfaces, May 6, 2019

GMA News, REPLAY: PNP press conference on arrest of Peter Joemel Advincula alyas Bikoy, May 23, 2019

CNN Philippines, DOJ to file inciting to sedition charge vs. Rodel Jayme, May 6, 2019

ABS-CBN News, DOJ indicts website creator Rodel Jayme for inciting to sedition | ANC, May 6, 2019

Rappler.com, TIMELINE: The ‘Bikoy’ controversy, May 8, 2019


(Ang VERA Files Fact Check ay sumusubaybay sa mga maling salaysay at nakaliligaw na mga pahayag ng mga pampublikong opisyal at personalidad, at itinatama ang mga ito gamit ang mga tunay na ebidensya. Kami ay ginagabayan ng mga prinsipyo ng International Fact-Checking Network sa Poynter. Para sa karagdagang impormayan bisitahin ang pahinang ito.)

FOR FURTHER READING

VERA FILES FACT CHECK: ‘Bikoy’ changes tune; implicates LP, Trillanes in ‘Ang Totoong Narco List’

In a 180-degree turn, Advincula who claims to be “Bikoy” implicated LP and Trillanes in the video…

VERA FILES FACT CHECK: Mga tema, nawawalang detalye, salu-salungat na pahayag sa mga kwentong 'Bikoy'

Itutuloy ng Department of Justice (DOJ) sa Set. 6 ang paunang pagsisiyasat sa patung-patong na…

The problem with lying

The problem when one concocts a story and put details to impress is that, when he repeats it,…

About Vera Files

Founded in March 2008, VERA Files is published by veteran Filipino journalists taking a deeper look into current Philippine issues. Vera is Latin for “true.”

Contact Us

Email us at newsroom@verafiles.org

MEMBER